إهدا إلى جميع الاعضاء

من طرف **ريف الصبا** الإثنين أكتوبر 19, 2009 10:32 pm

قوه اعضاء القمر العابر الكرام
هذي اول مشاركه لي بهالقسم
ابيات شعريه لجميع الاعضاء في منتدى القمر العابر

أولاً المدير
chance-moon:
نـثـرنـي الـصـبـح بـعـيـونـكـ
غـنـاوي طـيـش
زرعـنـي بـاول دروبـكـ
نـهـر مـن ريـش
ويـسـرقـنـي دفـى صـوتـكـ
يـسـامـر دفـتـري شـويـش
امـل مـوعـود
يـصـعـد بـي الـى آخـر مـطـر حـالـم
تـحاصـرنـي عـصـافـيـر
وولـه .. وورود

يعقوب الحوسني:
يازعيم الطيب والا ياعقيده..انت ياشيخ المراجل والكرامه
يا فريد النوع يالقرم الوليده..تنهض يوم الوغى ثاير عسامه
سعد من هو حطك حساب برصيده..في بنوك المرجله والا الشهامه
(صباحك سكر)

malak:
أحبـكـ كلمـة عجـزت تعبـر عــن مــدى إحسـاسـي
حــروفٍ ميـتـة خـرسـى ونبـضـي بــس يحييـهـا
أهيـم بعالمـكـ اســرح تــدور أفـكـار فــي راســي
وكــل أفـكـاري أحـبـكـ ولا ادري كـيــف أبـدّيـهـا
أحبـكـ وشـهـي أحـبـكـ !! قليـلـه يــا بـعـد نـاسـي
أحـبـكـ عـاجـزة تحـمـل شـعـورٍ سـاكـن ٍ فـيـهـا
أحـبـكـ وشـهـي أحـبـكـ !! وحـبـكـ مـالـه أقيـاسـي
لـو أكتـب قصـة أحبـكـ حـروفـي كـيـف توفيـهـا

(تألمت وتعلمت)
على الصدق عشنا ..
والوفاء شيمتنا ..
ومهما ابتعدنا غالية عشرتنا ..
الى يعزنا نعزه ..
والى يودنا بكل الوفاء نودوه ..
وما عمرك يوم تندم على رفقتنا

(غزيل الحب)
يــــا رب تـــرحمـــني ليـــا قيـــل "مــن راق "

لا صـــرت مـــا عـــاد اســتطيع "ابـــلع الــريق"

لا جـــا الـــوعــد والتــفت "الــساق " بــ "الســاق"

واتـــلى الكــلام "الغــرغره" و "التـــشاهيـــق "

يــالله عســـانا يومــ "نشــفات الاريــاق "

انــا وقــاري هالابيـــات "معـــاتيق"

(العمده)
يا صديق لست أدرى ما أنا أو تدرى أنت ما أنت هنا

أنت مثلى تائه فى غربة وجميع الناس أيضا مثلنا

عاش أبائنا قبلا حقبة ثم ولى بعدها أبائنا

ليتنا نصحوا قبل ما نمضى وتبقى ليتنا

قد دخلت الكون عريانا فما قنية أملك فيه أو رداء

وسأمضى منه يوما ساكنا ما لست أدرى

(ketoofa)
تـشـــبه الليل يمكن في هدوءه في ســكآته..
بس فيكـ من النهآر الصدق وآشــيآءٍ كثيرهـ ..!

تـشــبه الطيب "آسف" قصدي آنت الطيب ذآته..
ليت مثلكـ بس وآحــد بـ نشره في كل ديرهـ ..!

وبالاخير.......هذا البيت لي انا
(ريف الصبا.....)

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!تصدِّق ..؟!
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات [ودّها بـ الصياحهـ ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي ويييين مفتاحه ؟!

( صديقي ) صار معناها بـ عيني .. واحدٍ " سفَّاح " ..
لـِ أنهم أغلب أصحابي .. على الطعنات ذبَّاحه ..!

(((ولكن)))
فيني شموخ غارسه شايبي غرس..ومهما يجور الوقت مالن راسي
ابوي علمني وانا حافظ الدرس..ماأخـــــــــــــــالف سلم جدي وساسي
انا حمست العز في داخلي حمس..وهيلت فنجــــــــانه وقندت راسي

وعسى ما نسيت احد
ومنكم السموحه

تقبلوا تحياتي
ريف الصبا

من طرف **ROro** الجمعة نوفمبر 27, 2009 6:55 pm

يا سلام فدو كلمات غايه في الروعه

بس !!

نسيتيني أنا

من طرف **chance-moon** الإثنين نوفمبر 30, 2009 11:12 pm

نايس كلمات

وإلى الأمام دائما

من طرف **ريف الصبا** الأحد ديسمبر 06, 2009 4:06 pm

ROro كتب:
يا سلام فدو كلمات غايه في الروعه

بس !!

نسيتيني أنا

سوري فديتج....بس انا نزلت الموضوع قبل تسجيلج بالمنتدى
بي كله ولا انتي

كم ROro عندنا

هذا البيت اهداء خاص لج

لوآغرق في بحر حبه آو آشرب من عناه بحور..[قسم بالله ماتنزل غلآته من شرآيني]..