سجل حضورك باسم شاعرك المفضل..ارجوا التثبيت

من طرف **ήă3oмă ≈** الجمعة أكتوبر 22, 2010 12:24 am

هــــــــاي
بويـــــــز اند قــــيرلز
كـــــــــــــيفكم؟؟

ادخل في الموضوع
على ما اعتقد مثل ما يقولون: الموضوع واضح من عنوانه
يعني ما يحتاج اشرح

كل عضو يدخل هذا الموضوع
يكتب شاعره المفضل واللي يحب يقرأ له

يلا عاد .. ابي تفاعل مع موضوعي يا حلوين /

انا ببــدأ حـــآمــد زيــد ~’’

من طرف **chance-moon** الأحد أكتوبر 24, 2010 5:06 pm

...........
غرام أحباب :

عـلى ذاك الطريق اللي يسمونه غرام أحباب
وطت رجلي على دربه ولا أدري وش نوى فيني

تـبعته لآخـر دروبه .. ألين أن القمر قد غاب
تـعب قـلبي ، ولا تـعبت مـسافاتٍ تـوديني

لـقيت الليلة الجردا : هدب ظل وسما واعشاب
بـعـد ذاك الـظلام الـلي يـتوهني عـناويني

صدفتك معجبه فيني وياليت .. الغرام : اعجاب
وتـراك انـتي الـهنوف اللي هقيتك تستحقيني

عـطيتك عشق من قلبي .. وسلمت لغلاك رقاب
وغـيرك يـحترق قـلبه ولا يـقدر يـحاكيني

أنـا قبلك صدفت عيون لكن ويش جاب لجاب؟
تـرى كـل الـعيون الـلي لـقتني مـا تكفيني

رمـاني حـظي الـعاثر عليك وجيت لك طلاب
ولا أنـتي اللي عشقتيني ولا انتي اللي عتقتيني

تـعالي واعـتقي ذاك الـخفوق المولع المرتاب
مـهب لاجـلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصـوني بـالهوى نفسك قبل لا انتي تصونيني

وشـيليني عـلى مـتنك : خفوقٍ باريٍ منصاب
ومـن فـوق الغرام العذب .. شيليني وحطيني

ولا مـنك هـقيتيني شـجاع ومـا يطيق يهاب
أنـا لـك بـالهوى والله مـثل ما انتي هقيتيني

أنـا مـا أمـشي ورا غيرك ولو أنه يطق الباب
وتـرى عيبٍ عليّ أطعن .. ولو كثرت سكاكيني

زهـودٍ مـا يـطيق الـدم لا دايـن ولا طلاب
شـجاع وعـارفٍ نـفسي وأظـن أنك تعرفيني

غيورٍ ما عرفت أضحك مع العذر ببّرود أعصاب
أبـيع عـيوني الـثنتين قـبل أنـك تـخونيني

إذا شـد الغرام .. اترك خفوقي : بين ناب وناب
لـفرقىً تـكسر ضلوعي .. ولا عشقٍ يوطّيني

أنـا رجلٍ ولي غيره .. وإذا شفت الهوى كذاب
تـثور بـقلبي الـفزعه ولا تـهدى شـياطيني

سـؤالك لـو يـزعزع بي كياني ما قبلت عتاب
اجـي لـك وأسـالك نفس السؤال اللي سألتيني

عـن الـعشق القديم أبواب .. تقفيها كثير أبواب
بـعد ذاك الـحبيب الـلي خدعني وانخدع فيني

أبـي عشق تحسب له كل نظرات العيون حساب
وابـي قـلبٍ علي قلبي ، وابى دينٍ على ديني

وابـي نظرة عطا توفي ولا تخلف بدون أسباب
وابـي مـنك قـبل لا نتي تصديني .. توديني

وابـي دربٍ عـلى العذال صعبٍ متعبٍ غلاب
وابـي نـفس الطريق الصعب يبعدهم ويدنيني

تـرى لـو للقلوب عيون ولدموع العيون أهداب
حـشى مـا تـنزل الـدمعه لغيرك لو تركتيني

أنا أول من عرف قدرك وأنا توي صغير وشاب
وابـي مـنك مـا دام أنـك عـرفتيني تحبيني

مـا دام أني لقيتك في طريق أسمه غرام أحباب
دخـيل الله ، وبـعد الله دخـيلك .. لا تـخليني

مـا دام أن كل من يحيا على وجه التراب تراب
عـسى تـنساني الـدنيا مـادام أنـتي ذكرتيني ..

-----------------------------

انا بختار طارق المحياس !!

من طرف **ήă3oмă ≈** الثلاثاء أكتوبر 26, 2010 2:00 am

مبتلي بك /

كيف ما تبغيني بس أزعل عليك..الا بزعل وأقلب الدنيا عليك..
هالدقيقة الحين اما انك تجيني..او قسم بالله بخربها واجيك
كيفك اتصرف ابا اشوفك تعال..بحضنك بتنفسك بلمس يديك..
عاد انا دقت في راسي اني اشوفك..بلتقيك الحين يعني بلتقيك
حس فيني ما بقت فيني مشاعر..حس فيني الله يرحم والديك..
لو تبيني ارتجيك او آتوسل..والله بتوسلك ووالله برتجيك
ماشي يا عمي انا ارجووووك تكفى..كان لي عندك قدر قول احتريك..
بأي طريقة الحين انا ودي اشوفك..ما بقى فيني صبر افهم ابيك
كيف ابصبر وانت في كل الزوايا..وين ما اطالع خيالي بس فيك..
من هنا وهناك وفي كل الاماكن..لعنبوك القلب ذايب مهتويك
وانته تتغلا وتشكي لي ظروفك..حتى انا عندي ظروف الله يهديك
يا معيشني ما بين اصبر ويمكن..وانته تدري مالك بقلبي شريك..
يا رجاي وسوء ظني واعتقادي..لا تردني عاد دامي مشتريك
مبتلي بك ادري اني مبتلي بك..وادعي الله مثلي انه يبتليك..
لا إتتعذر غير مقبول اعتذارك..بلتقيك اليوم يعني بلتقيك..
يا تجيني الحين دامه باختيارك..او قسم بالله بخربها واجيك..

اا أخــتآآر /

ســع ــد عـلوش ~

من طرف **تألمت وتعلمت** الأحد أكتوبر 31, 2010 3:58 pm

جنون

الجرح ماهو خاطر شوي ويروق الجرح حتى لو تشافى iiيعللك
واذاك متحمس متاهات وطروق انا تعبت اشد حيلي iiواحاولك
سماي ما شيّ شمس ورعود iiوبروق والريح ماهبت ولايجري iiالفلك
والقلب ناشف بحر وشقوقه iiشقوق وشلون بيكوّن سحاب iiويبللك
يا ضامي انا الضما ومتشبع حروق واذاك ضامي للمواصل .. انا هلك
هلك ووقف في وجهي الاصل iiوالذوق والمجتمع والعرف والفقر iiواهلك
متعومس وحزن النبلاء iiمرموق يعني لو احتاج الك ماجيتك iiاسألك
اللي علي اشكي واعاتبك iiبرفوق واقولك ودي ماعاد iiاتأملك
من دورة الايام ياخوك iiمخنوق الوقت مشاني من السلك iiللسلك
ازل خطوه .. بس ما ازل iiمنطوق ولو صارت ابحب خشمك iiواجاملك
يبقى البني ادم مجرد ومخلوق ملك .. ولكن في الحقيقه بلا ملك
كذاب.. قايل كل مطرود iiملحوق سنيييين وانا اطردك وازريت لا اوصلك
كنك تطيش وكني ادور في iiطوق كل ما وصلت اخرك يطلعلي iiاولك
ليت مافي خاطري شوق iiوحروق ماكان حسيت ان انا بس من iiكلك
الشوق ماهو رعشه وقبضة iiعروق وماهو اللي من شينك فعينك iiيجملك
وماهو شعور ياخالق الروح برفوق وماهو سحر ولا ادري والله شقول iiالك
انا سحابة حلم وتطير بك iiفوق وتطير ولا ودك انها iiتنزلك
الشوق هذا .. والا انا شوقي iiالبوق ماقد حصل في شوق هذي ولا تلك
تدري وش اسوي ليا اضناني الشوق؟؟ اسوي بعيوني كذا واتخيلك
واقربك واتوق واتوق واتوق واكثرك واحلف ماعاد iiاقللك
واصورك في الموق وتكبر على iiالموق وتطيح مع دمعي على ايدي iiواقبلك
هذا غلاي اللي مع الدم مدقوق ولا عاد تسأل عن شعوري iiوازعلك
محبة ماهيب من طارف iiالسوق لو انك توكل.. كان والله iiلاكلك
جيتك حقوق ورحت ماعندي حقوق وان قلت ما احبك ابجحد iiمواصلك
احبك .. الا يا بري حالي iiوعوق من كثر ما احبك اخاف اني اقتلك..

اختار محمد بن فطيس

من طرف **ήă3oмă ≈** الخميس نوفمبر 04, 2010 1:12 am

( الله يجازي من يسوي سـوآتـك )

الله يجازي من يسوي سواتك ... وبذنوب من سوى سواتك يجازيك

مشيت درب الثقل وتحب ذاتك ...ماتدري انه للمهالك يوديك

غرك جمالك ياخساره حلاتك ....ماتدري ان ماغير طبعك يحليك

بتقول زينك يشفع لسيآتك ....الحسن ماهو عن وفا الحب يعفيك

لوالتواضع والوفا من سماتك ... بعت الحبايب كلهم دين واشريك

لكن عجزت اغيرك ياجراتك ....على الغياب اللي بلا عذر ينجيك

خطاي في توضيح وشي غلاتك ....وخطاك في توضيح وشو تغليك

وشلون توصيني وتنسا وصاتك ....وتصد عن صوتن تقطع يناديك

مافاتك التجريح والعذر فاتك ...وتبغي الراي الحين ماعاد يمديك

صحيح احبك بس هاذي جزاتك ....بعلمك درس يفيدك ويحييك

تدري وش ابيض من خفوقك عباتك ...وتدري وش اللي غرني نظرتي فيك

ادري بتستغرب تصبر وجاتك ... قصيدة من واحد كان يبغيك

وتبغي تناظر وانت عايش مماتك ... شف وحدتك والناس تجلس حواليك

وتبغي تشوف اشجع رجل في حياتك ... شفني وانا راحل على كثر ماغليك

طـبـ /سالم السـيآر ~

سجل حضورك باسم شاعرك المفضل..ارجوا التثبيت

سجل حضورك باسم شاعرك المفضل..ارجوا التثبيت

رد: سجل حضورك باسم شاعرك المفضل..ارجوا التثبيت

رد: سجل حضورك باسم شاعرك المفضل..ارجوا التثبيت

رد: سجل حضورك باسم شاعرك المفضل..ارجوا التثبيت

رد: سجل حضورك باسم شاعرك المفضل..ارجوا التثبيت