أحزان قلب الياسمين

من طرف **chance-moon** الخميس سبتمبر 03, 2009 2:53 pm

هاي كانت أول قصيدة لي أنشرها وحبيت أنقلها لكم وأرجوا انها تنال على إعجابكم

..

الغصه اللي زاحمت أحزان قلب الياسمين
ما اعتقد بيحس فيها غير قلب اللي قبرها

والليله اللي شمسها عيّت عليها لا تبين
ترتاح فيها عين وتقاسي عيون ٍ من سهرها

ولو كان قلب اللي شكى لله مثل اليائسين
ما عاد يبقى نبت فيها لا ولا يهتز جـِذرها

إهْيَ ابْتسامات العمر ، قمرة ليالي العاشقين
يا كبر حظ اللي نظرها أو تكحل في سحرها

حلّت عليها صاعقه والريح هبّت من يمين
ضاع الفرح وسط الفرح ليله ومذبوح ٍقمرها

كم حاولت تحميه من غدر الزمن والحاسدين
بس ما قنع بالتضحيه حتى سعى ينهي عمرها

حتى ولو هي ما شكت جرح الزمن ، غدر السنين
كانت همومه مشكله وهو استباحلها عطرها

عنها تخلى للأبد ما عاد يحملها حنين
أبدا ً ولا همّه رجاها يوم رخصت من قـدرها

يا ياسمينه حنْ بدونك يالكريمه رايحين
هذي النهايه يوم حانت وانت ِما همّك أمرها
__________________